სალამი!

          მე ვარ ანა მახარაშვილი, 34 წლის ქალი, ფსიქოთერაპევტი. მაქვს ყურადღების დეფიციტისა და ჰიპერაქტიურობის სინდრომი (ADHD). მიყვარს ძაღლები, ნამცხვრები და ჰედონისტური ცხოვრება. მჯერა ადამიანების სიკარგის და ვფიქრობ, კლიენტმა ყველაზე უკეთ იცის რა სჭირდება და როგორ უნდა იცხოვროს. უპირატესობას ვანიჭებ არა-იერარქიულ თერაპიას, სადაც მე და კლიენტი თანაბრად ვართ და მე არ ვირგებ ყოვლისმცოდნე მკურნალის როლს.

          დავიბადე და გავიზარდე საქართველოში. 13 წლის რომ ვიყავი, ოჯახთან ერთად წავედი ამერიკაში, სადაც ვიცხოვრე 5 წელი და დავამთავრე სკოლა. შემდეგ, ისევ დავბრუნდი საქართველოში და დავამთავრე დავით ტვილდიანის სამედიცინო უნივერსიტეტი (აიეტი). რეზიდენტურა პედიატრიაში  ავირჩიე და დავიწყე მუშაობა ბავშვთა ემერჯენსიში. მალევე მივხვდი, რომ ეგ ცხოვრების სტილი ჩემს მენტალურ ჯანმრთელობას არ წაადგებოდა (ღამის თენება, მწვავედ ავადმყოფი ბავშვები, ნერვიულობა და სტრესი), არც ამბულატორიული პედიატრობა მინდოდა - ვიცოდი რომ მომბეზრდებოდა, ჰოდა, შევიცვალე კარიერა. ადამიანების დახმარება და მკურნალობა ყოველთვის მიზიდავდა, სხვებთან ლაპარაკიც კარგად გამომდიოდა, შესაბამისად ფსიქოთერაპიაში წასვლა ძალიან ლოგიკური სვლა იყო ჩემთვის. 

​

ცოდნა და გამოცდილება:

მაქვს მედიცინის დოქტორის ხარისხი დავით ტვილდიანის სამედიცინო უნივერსიტეტიდან და მაგისტრატურა მენტალური ჯანმრთელობის კონსულტირების მიმართულებით (Masters in Mental Health Counseling), ვალდენ უნივერსიტეტიდან.

2021-2024 წლებში, ვიმუშავე მკვლევარ-მეცნიერად იელის უნივერსიტეტის ფსიქიატრიულ განყოფილებაში, დიაგნოსტიკური შეფასებებისა (diagnostic assessments) და სუბსტანცია-დამოკიდებულების კუთხით. მაქვს გავლილი შესაბამისი ტრენინგები ამავე უნივერსიტეტში.   

2021 წლიდან ვმუშაობ თერაპევტად Southern Connecticut Behavioral Health-ში. https://soconnbehavioralhealth.net  

​

2024 წლიდან ვარ "ADHD ჯორჯია"-ს თანადამფუძნებელი და დირექტორი.

2018 წლიდან ვარ მოწვეული ლექტორი თბილისის სამედიცინო აკადემიაში.
 

თერაპიის პრაქტიკული გამოცდილება: 4+ წელი
 

თერაპიის ენა: ქართული, ინგლისური
 

თერაპიის მეთოდები:

CBT (კოგნიტურ-ბიჰეივორული თერაპია)
DBT (დიალექტიკურ-ბიჰეივორული თერაპია)

ფსიქოანალიზი
კლიენტის გაძლიერებაზე მიმართული თერაპია (client empowerment)

​

რა ტიპის მენტალურ აშლილობებზე მუშაობ?

ამ ეტაპზე, დახმარება შემიძლია გაგიწიოთ შემდეგი აშლილობების და/ან პრობლემების დროს:

- შფოთვა („ნევროზი“)
- დეპრესია
- სუბსტანციებზე დამოკიდებულება (ალკოჰოლი, ნარკოტიკი)
- ობსესიურ-კომპულსიური აშლილობა (OCD)
- გლოვის პროცესი და მასთან ასოცირებული პრობლემები
- ტრავმა და პოსტ-ტრავმული სტრესული აშლილობა (PTSD)
- კვებითი დარღვევები
- ყურადღების დეფიციტისა და ჰიპერაქტიურობის სინდრომი (ADHD)
- ბრაზის მართვა
- ფობიები
- წყვილების თერაპია და ურთიერთობებთან ასოცირებული პრობლემები

პროფესიული წევრობა:
 

American Counseling Association

Chi Sigma Iota International Honor Society

აკადემიური საქმიანობა:
 

მაქვს სწავლების 5+ წლიანი გამოცდილება, უმაღლეს სასწავლებლებში (DTMU, TMA, Yale)

2018 წლიდან, ვარ ჩართული ქართულ და საერთაშორისო სამეცნიერო კვლევებში, როგორც მკვლევარი, ასევე ხელმძღვანელი (principal investigator). დამატებითი ინფორმაცია ნაშრომებზე, კონფერენციებზე და ტრენინგებზე იხილეთ აქ. 
 

სიყვარულით,

ანა